Ish-kryenegociatorja e Kosovës në dialogun me Serbinë, Edita Tahiri, e ka thumbuar kryeministrin e Kosovës, Albin Kurti, i cili sot ka qëndruar në Shqipëri për një vizitë zyrtare.

Tahiri, përmes një postimi në llogarinë e saj në Facebook, ka thënë se Kurti nga kauza e tij për bashkim kombëtar ka kaluar në vetëmenaxhimin e pakicës serbe në Kosovë.

“Me ‘bashkimin kombëtar’ për të ardhur në pushtet; me ‘vetëmenaxhimin e pakicës serbe’ për të mbetur në pushtet – A thua si do ta shpjegojë këtë Kurti sot në Tiranë para shqiptareve!”, ka shkruar ajo, përcjell arbresh.info.

Ndryshe, Kurti, është takuar në Tiranë me krerët e shtetit të Shqipërisë, për t’i informuar lidhur me Marrëveshjen drejt normalizimit të raporteve Kosovë-Serbi.

Kurti u takua me presidentin shqiptar, Bajram Begaj, kryetaren e Kuvendit Lindita Nikolla, dhe kryeministrin Edi Rama, i cili e priti në vilën qeveritare numër 30 në zonën e ish-bllokut.